Бас жаңалықтар
Кеңестік дәуірдің ащы шындығын көрсететін түбегейлі зерттеулер  әлі де жеткіліксіз – Көшербаев
15 Қазан 2021, 11:13 58

Кеңестік дәуірдің ащы шындығын көрсететін түбегейлі зерттеулер әлі де жеткіліксіз – Көшербаев

Нұр-Сұлтан, BAQ.KZ тілшісі. Бұл туралы Мемлекеттік хатшы  Қырымбек Көшербаев  профессор Тұрсын Жұртбайдың 70 жылдық мерейтойына арналған «Елдік ұстаным және Тәуелсіздік нысанасы» ғылыми-тәжірибелік конференциясында айтты.

Маңдайлы тарихшыларымыздың алдында тарихқа қатысты көкейде жүрген бірқатар мәселені ортаға салғым келеді.  Қазақстан тарихының Кеңестік дәуірі саяси әлеуметтік, этникалық қарама-қайшылықтарға, трагедия, драмаға толы болды. Тарихшылар алдағы уақытта осы тақырыптарды және басқа да зерттелуі керек дүниелерде тарихнамалық талдауларды көбейтуі керек, - деді ол.

Көшербаев кеңестік дәуірдің ащы шындығын ашып, көрсететін түбегейлі зерттеулер тәуелсіз Қазақстанда әлі де жеткіліксіз екенін айтты.

XX ғасырдың соңындағы ең үлкен жетістігіміз - Қазақстанның тәуелсіз мемлекет ретінде қалыптасуы. Бұл-бодандықтан құтылудың басы. Осы ұлттық жолда Алаштың ең ардақты азаматтары құрбан болды. Биыл ел Тәуелсіздігіне 30 жыл. Кәсіби тарихшылар ешкімге жалтақтамай, ашық жаза алатын деңгейге жетті, - деді ол. 

Мемлекеттік хатшы атап өткендей, қазір тарихшылар тарихқа жанашыр ретінде қараудың үлгісін көрсетіп жатыр.

Тарихта жаңа ізденістер пайда болды. Тарих ғылымында жаңа іргелі парақтар пайда болды. Қазақстан тарихын жан-жақты кешенді қарастыру керек. Сондықтан осы салада атқарылар шара да ауқымды, - деді Көшербаев.

Фото: дереккөз
Загрузка...
// (function (d, w, c) {(w[c] = w[c] || []).push(function () {try {w.yaCounter34776245 = new Ya.Metrika({id: 34776245,clickmap: true,trackLinks: true,accurateTrackBounce: true,webvisor: true,trackHash: true});} catch (e) {}});var n = d.getElementsByTagName("script")[0],s = d.createElement("script"),f = function () {n.parentNode.insertBefore(s, n);};s.type = "text/javascript";s.async = true;s.src = "https://mc.yandex.ru/metrika/watch.js";if (w.opera == "[object Opera]") {d.addEventListener("DOMContentLoaded", f, false);}else {f();}})(document, window, "yandex_metrika_callbacks");//