Бас жаңалықтар
Карантин талаптарын бұзғандарға 1,1 млрд теңгеден астам айыппұл салынды
09 Мамыр 2021, 03:03 209

Карантин талаптарын бұзғандарға 1,1 млрд теңгеден астам айыппұл салынды

Нұр-Сұлтан, BAQ.KZ.Санитариялық-эпидемиологиялық бақылау комитеті жыл басынан бері карантин талаптарын айрықша көп бұзған өңірлерді атады, деп хабарлайды Azattyq Rýhy.

Қазақстанда азаматтар мен кәсіпкерлік субъектілерінің карантин шараларын сақтауына қатысты мониторинг жүргізу жұмыстары жалғасып жатыр. Жалпы, 2021 жылғы 1 қаңтары мен 5 мамыры аралығында мониторингтік топтар 76 995 рейд жүргізіп, 481 280 нысанды тексеріп шыққан.

Карантин талаптарын бұзу деректерінің басым көпшілігі мына өңірлерде: Шығыс Қазақстан облысы (3 538), Түркістан (2 198) облысы, Алматы қаласы (1 996), Шымкент қаласы (1 596) және Алматы облысында (955) тіркелген, – делінген комитет хабарламасында.
Мониторинг барысында анықталатын негізгі заңбұзушылықтар: карантин кезеңінде қызметіне тыйым салынған объектілердің жұмыс жасауы, шектеу режимін сақтамау, шамадан тыс адам жинай отырып, бұқаралық іс-шаралар өткізу және т.б.

Санитариялық-эпидемиологиялық талаптарды бұзу деректерін анықтау бойынша мониторингтік бақылау топтары мынадай шаралар қабылдады: 2 502 жоспардан тыс тексеру жүргізілді, 2 292 нұсқама берілді, 268 материал сотқа жолданды, 70 объектінің қызметі тоқтатылды. Нәтижесінде 8 147 кәсіпкерлік нысан мен 6 371 жеке тұлғаға әкімшілік хаттама толтырылып, 1,114 млрд теңгеден астам айыппұл салынды, – делінген хабарламада.

Айта кету керек, азаматтардың басым көпшілігі қоғамдық орындарда бетперде тағып жүру режимін бұзғаны үшін айыппұл арқалаған.

Фото: ашық дереккөз
Загрузка...