Бас жаңалықтар
Елорданың әр ауданында мұз қалашықтары мен айдындары салынады
09 Желтоқсан 2019, 20:46 1430

Елорданың әр ауданында мұз қалашықтары мен айдындары салынады

Нұр-Сұлтан, BAQ.KZ. Елорданың барлық 4 ауданында мұз қалашықтары мен мұз айдындары салынатын болады, деп хабарлады қала әкімдігінің ресми сайты.

Осылайша, Байқоңыр ауданында мұз қалашықтары мен балақайларға арналған сырғанақтар "Жастар сарайы" маңында, "Ататүрік" саябағында, Өндіріс тұрғын алабына, сондай-ақ Жолымбет пен А. Чехоев көшелерінің қиылысына орналасады.

Есіл ауданының тұрғындарына EXPO, Ботаникалық саябақ, "Хан Шатыр", "Керуен" сауда ойын сауық орталықтары аумағына, "Жетісу" саябағында, "Жағалау" шағын ауданында, Жасыл орамда, сондай-ақ, Үркер мен Пригородный тұрғын алабында салынбақ.

Ал Сарыарқа ауданы үшін Есіл өзені аумағында, "Астана" спорт кешенінің жанына, Қосшығұлұлы, 17 мекенжайына, "Тамыз" тұрғын үй кешенінің жанына, "Наз" театрының маңайына, Оқжетпес пен Герцен көшелерінің қиылысына, Гете 10 және 187-ші көшелерге салынады.

Алматы ауданында жұртшылыққа арналған сырғанақтар мен мұз айдындар "Қазақ елі" монументінің алаңына, "Жерұйық" саябағына, Ақбұлақ өзенінің айналасына, "Жастар" саябағына, Оқушылар сарайының алдына, Президент саябағына, "Ренессанс" мейрамханасының жанына, Триатлон-паркінде, Жүргенов көшесіндегі Сарайшық шағын ауданында, сонымен қатар Теміржолшылар, Интернациональный, Мичурино тұрғын үй алаптарында орнатылады.



Фото: дереккөз
Загрузка...