Нұр-Сұлтан, BAQ.KZ тілшісі. Қызылорда облысының Жаңақорған ауданында ҚР Ұлттық спорт қауымдастығының ұйымдастыруымен Қазақстан Республикасының Жастар чемпионаты өтіп жатыр.
Бір аптаға созылған дүбірлі додаға Нұр-Сұлтан қаласы, СҚО, БҚО, Қостанай, Павлодар облыстарының жастары қатысқан жоқ. Өзге өңірлерден келген жастар өзара мықтыны анықтауға барын салып жатыр.
Бүгін чемпионаттың финалдық ойындары мен үшінші-төртінші орындарға талас болады.
Сонымен, 2000-2003 жылдары дүниеге келген жастар арасындағы бәсекеде қай өңірдің бәсі жүріп, бағы басым болатынын бүгін білеміз.
Үшінші және төртінші орын үшін Түркістан облысы мен Шымкент қаласы таласқа түссе, финалда Жамбыл облысының «Әулие ата» жастар құрамасы мен Алматы қаласының жастары өзара мықтыны анықтайтын болады.
Естеріңізге сала кетейік, бұған дейін Аударыспақтан өткен жастар чемпионатының жеңімпаздары жайлы жазған болатынбыз.
