Бас жаңалықтар
Астанада Дэвис кубогы басталды
01 Ақпан 2019, 14:38 1123

Астанада Дэвис кубогы басталды

Астана, BAQ.KZ тілшісі. Бүгін 1 ақпан күні «Дәулет» спорт кешенінде Қазақстан мен Португалия арасындағы Дэвис кубогының бірінші іріктеу кезеңінің матчы басталды.

Ойын қазақстандық 21 жастағы Александр Бублик пен Жоау Соуза арасында өтіп жатыр. 

Бублик әлемдік рейтингіде 171-орында тұр. Ал оның қарсыласы Соуза 39-орында келеді.

Жекелей сындағы екінші ойын Михаил Кукушкин мен Педро Соуза арасында өтеді. 

2 ақпан күні жұптық матчта Қазақстан атынан Александр Недовесов пен Тимур Хабибуллин португалиялық Жоау Соуза және Гаштау Элиаш жұбымен кездеседі. 

Үш матч бойы жеңімпаз команда анықталмаса, жекелей сында Михаил Кукушкин Жоау Соузамен, Александр Бублик Педро Соузамен кездеседі.

Дэвис кубогының финалдық ойындары қараша айында Мадрид қаласында өтеді.





Назерке Абибулла
Фото: Нұржас Жақсыбай

Загрузка...