Нұр-Сұлтан, BAQ.KZ. Елімізге белгілі өнер жұлдыздары лек - легімен Шымкент қаласына қарай ағылуда. Бұл туралы Түркістан облысының Мәдениет және спорт басқармасының баспасөз қызметінен хабарлады.
«Арыстағы жарылыстан зардап шеккен тұрғындар мен әскерилерге көмек көрсетіп, қолдау білдіру үшін Алтынбек Қоразбаев бастаған Майра Ильясова, Мөлдір Әуелбекова, Нұрлан Албан, Алмас Алтынбеков сынды бірқатар әнші Шымкент қаласына келді. Олар арнайы штабтарда орналасқан халықпен кездесіп, әңгімелесті. Олар ауыр жағдайға тап болған халыққа барынша көмектесуге келгенін жеткізді», - делінген хабарламада.
