Алматының әртүрлі жерлерінен қару тәркіленді - ІІМ
8 Қаңтар, 08:54 634

Алматының әртүрлі жерлерінен қару тәркіленді - ІІМ

Нұр-Сұлтан, BAQ.KZ. 7 қаңтар түстен кейін әл-Фараби және кіші желтоқсан даңғылдарының қиылысында полицейлер қарулы адамдар мініп жүрген «БМВ» маркалы автокөлікті бөгеді. 

Оның салонында 1990 және 1998 жылы туған екі ер адам болды. Оларды тексеру кезінде тапанша мен пышақ табылды. Бұл туралы ҚазАқпарат ІІМ сілтеме жасап хабарлайды.

Қаланың Медеу ауданында полиция қызметкерлері қарулы қаскүнемдердің тағы бір тобын ұстады.

Қырағы азаматтардың хабарлауы бойынша қарулы адамдар жасырынған пәтер анықталды.

Арнайы операция барысында бес ер адам ұсталды. Олардан патрондары бар «ақбөкен» аңшылық карабині, резеңке және металл таяқшалар, бензині бар екі бес литрлік ыдыс, алтын бұйымдар тәркіленді.

Екі факті де сотқа дейінгі тергеп-тексерудің бірыңғай тізілімінде тіркелген, оның барысында алып қойылған қару мен заттардың тиесілілігі анықталатын болады.

Күдіктілер қамауға алынды.


Фото: дереккөз
Загрузка...