Астана, BAQ.KZ. «Қазгидромет» РМК синоптиктерінің болжамына қарағанда, еліміздің басым бөлігінде жауын-шашын түсіп, ауа райы тұрақсыз болуы мүмкін. Республиканың кей жерінде тұман, көктайғақ, бұрқасын, желдің күшеюі ықтимал.
Алматы облысының кей жерінде тұман, көктайғақ түсіп, Жалаңашкөл ауданында жел жылдамдығы 18-23 м/с, екпіні 28 м/с күшейеді.
Шығыс Қазақстан облысының кей жерінде жаяу бұрқасын болып, жел жылдамдығы 15-20 м/с, Жарма ауданында желдің екпіні 25 м/с дейін күшейеді.
Жамбыл, Түркістан, Қызылорда облыстарының кей жерінде тұман, көктайғақ болуы мүмкін, жел 15-20 м/с күшейеді.
Жамбыл, Түркістан облыстарының кей жерінде жел екпіні 23-28 м/с жетеді.
Батыс Қазақстан облысының кей жерінде тұман, көктайғақ, бұрқасын болуы ықтимал, күндіз кей жерінде жел 15-20 м/с күшейеді.
Ақмола облысының кей жерінде тұман, жаяу бұрқасын болып, түнде және таңертең жел 15-20 м/с күшейеді.
Солтүстік Қазақстан облысының кей жерінде тұман, жаяу бұрқасын болып, жел 15-20 м/с күшейеді.
Қарағанды облысының кей жерінде бұрқасын, көктайғақ болып, жел 15-20 м/с күшейеді, тұман түседі.
Маңғыстау, Ақтөбе, Атырау, Қостанай облыстарының кей жерінде тұман түсіп, Атырау облысының кей жерінде көктайғақ болады.
Павлодар облысының кей жерінде жел 15-20 м/с күшейеді.
