Нұр-Сұлтан, BAQ.KZ тілшісі. Бұл туралы Төтенше жағдайлар министрі Юрий Ильин Үкімет отырысында айтты.
Жалпы су тасқынына қарсы іс-шаралар кешенін іске асыру 340 елді мекеннен су басу қаупін алып тасталды және 385 елді мекенде қауіп барынша азайтылды. Бүгінгі күні су тасқыны қаупі бар 1 010 елді мекеннің 285-і үшін қауіп сақталуда, - деді министр.
Ол атағандай, елдің таулы аймақтарында мұздықтардың қарқынды еруі жарылу қауіпті болып табылатын және сел мен су тасқыны құбылыстарының қаупін тудыратын жаңа мұздақ көлдердің пайда болуына ықпал етеді.
Біз каналдарды тазалау, 17 жарылу қауіпті мұздақ көлдерде сифондарды орнату сияқты алдын алу іс-шараларын жүргіздік. 6 миллион текше метрден астам суды бақыланатын ағызу жүзеге асырылды. Халықты қорғау және Алматы қаласы мен Алматы облысында селдерден болатын экономикалық нұқсанды барынша азайту үшін Ақсай, Аюсай өзендерінде сел ұстайтын бөгеттердің құрылысы жалғасып жатыр, - деді ол.
Ильин атағандай, Қорғас ШЫХО қорғау үшін Қытай Халық Республикасымен бірлесіп сел ұстайтын Шүкірбұлақ бөгетін, сондай-ақ Қорғас өзенінде қорғау құрылыстарын салу жүзеге асырылуда.
