Нұр-Сұлтан, BAQ.KZ. Бас прокуратура үлескерлерге арналған жадынама жариялады.
Құрметті елорда тұрғындары, Нұр-Сұлтан қаласының прокуратурасы, жосықсыз құрылыс салушылардың заңсыз әрекеттерінен сақтандыру мақсатында ескертеді! Тұрғын үйді сатып алу кезінде сатып алушы міндетті түрде құрылыс салушыдан жер учаскесіне құқық орнататын құжаттарды, жобалау-сметалық құжаттамасын, құрылысқа рұқсаттама, құрылысты аяқтау кепілдіктерін біліп, талап ету керек, - делінген ақпаратта.
Құрылыс үшін үлескерлердің қаражатын тарту мүмкіндігі бар компаниялар жөнінде мәліметтерді "astana.gov.kz" сайтының "әкімдіктің берілген рұқсаттар базасы" бөлімінен алуға болады.
Соңғы бірнеше жыл аралығында 29 жосықсыз құрылыс салушылар бас бостандығынан айыру түріндегі қылмыстық жауапкершілікке тартылғанын мәлімдейміз. Үлескерлерге келтірілген шығын ондаған миллиард теңгені құрайды. Шамамен 12 000 үлескерлер 6 жылдан астам өз пәтерлерін ала алмай отыр. Сондықтан, Нұр-Сұлтан қаласының прокуратурасы тұрғын үй сатып алудан бұрын құрылыс салушылардың беделі туралы ақпаратпен және олардың заңды құжаттарымен танысуды ұсынады, - делінген жадынамада.
