Нұр-Сұлтан, BAQ.KZ. Дәнді дақылдар халықаралық нарықта да қымбаттайды. 2021 жылдың соңында әлемдегі дақылдар қоры 895 млн тоннаға жетеді.
БҰҰ Азық-түлік және ауыл шаруашылық ұйымы осылай болжайды. Сәтті жиын-терімнің нәтижесінде жаһандық сатылым 442 млн тоннаға жетуі керек.
Соған қарамастан тамыздағы баға екі процентке өскен. Былтырғымен салыстырсақ, жеті проценттік өсім бар. Әсіресе, жемдік астықтың бағасы аспандайды.
"Хабар 24" арнасының мәліметінше, БҰҰ Азық-түлік және ауыл шаруашылығы ұйымының жорамалдауынша, биыл әлемдік астық өндірісі рекордты көрсеткішке жетеді. Былтырғыдан 58 миллион тоннаға артық өнім жиналады.
