Нұр-Сұлтан, BAQ.KZ тілшісі. Бұл туралы Сыбайлас жемқорлыққа қарсы іс-қимыл агенттігінің төрағасы Марат Ахметжанов ҚР Президенті жанындағы ОКҚ-да өткен брифингте айтты.
Ахметжанов оның белгілі бірнеше себебін атады.Түрлі деңгейдегі 159 басшы жемқорлықпен әшкереленген. Атап айтқанда, вице-министр, 13 әкім және олардың орынбасарлары, 4 сот және 28 облыстық басқарма басшылары. Бюджетке 20 млрд теңгеден астам залал қайтарылды. Бірақ бұл құрғақ сандар шынайы жағдайды көрсетпейді. Біз БАҚ-та шыққан материалдарға үнемі мониторинг жасаймыз. Жемқорлық былтырғыға қарағанда азайған деген пікір бар. Шынымен, статистика бойынша жемқорлық көрсеткіші былтырғыға қарағанда 34 пайызға төмендеген, - деді ол.
Біріншіден, біз биылдан бастап үшбуынды модель бойынша жұмыс істеп жатырмыз. Қазір азаматтардың істеріне қатысты барлық шешім прокурордың келісімінсіз заңды күшіне енбейді. Тергеудің алғашқы кезеңінен бастап фильтр бар, - деді Марат Ахметжанов.
