Нұр-Сұлтан, BAQ.KZ. Премьер-министр мен жұбайы резиденциясында қалып, денсаулық сақтау органдарды бекіткен профилактикалық шараларды орындап жатыр.
Испания премьер-министрі Педро Санчестің жұбайы Бегонья Гоместің коронавирус жұқтырғаны расталды. Бұл туралы 15 наурызда Испания министрлер кабинетінің баспасөз қызметіне сілтеме жасап El Pais хабарлады.
БАҚ-та тараған ақпаратқа қарағанда, Бегонья Гоместің жағдайы – қанағаттанарлық. Гомес 8 наурыз күні коронавирус эпидемиясының ушыққан кезінде шеруге шыққан. Кейін шеруге шығуға рұқсат берілгені үшін ел билігі сынға қалған болатын.
Испания билігі коронавирус пандемиясына байланысты ел бойынша түгел карантин енгізбек. Бұл 15 наурыз таңғы 8.00-ден бастап шектелмек. Қазір Испания әлем бойынша коронавирус расталған елдердің қатарында 5-орында тұр.
Бұған дейін Испания парламенті жұмысын тоқтатқан болатын.
