Коронавирус. Әлемдегі ахуал

Коронавирус. Әлемдегі ахуал
1186

Коронавирустың «Омикрон» штамының ВА-2,75 жаңа нұсқасы үндінің Дели тұрғындарынан алынған 90 сынақтан тұратын тестілік биоматериалдың партиясынан табылды, деп хабарлайды BAQ.KZ.

Жаңа штамм «омикронның» алдыңғы нұсқаларына қарағанда вирулентті (ауру тудыруға көбірек қабілетті). Ол вакцинация кезінде немесе аурудан кейін алынған ковидке антиденелері бар адамдардың ағзаларына белсенді енеді.

ВА-2,75 нұсқасы бұрын әлемнің көптеген елінде табылған. Бұл нұсқада аурудың ағымы «омикрон» штамының ең көп таралған ВА нұсқасынан гөрі ауыр емес деп саналады, дегенмен, ВА нұсқасы сияқты, қарт адамдар мен созылмалы аурулармен ауыратын адамдарда сырқаттың ағымы ауыр өтуі мүмкін. 

Лхас қаласындағы Потала сарайы (Қытайдың Тибет автономиялық ауданының әкімшілік орталығы) өңірдегі COVID-19 өршуі туралы хабарламадан кейін келушілер үшін жабылды.

Ашылу күні кейінірек жарияланады. Көрнекті орын автономды аудан үшін маңызды болып табылады, оның экономикасы туризмге тәуелді. 

Қытай COVID-19-ға «мүлдем төзбеушілік» саясатын ұстанатын санаулы елдердің бірі болып қала береді. Бұл вирустың локдаундар арқылы таралуын шектеуді және жұқтырғандармен байланыста болған адамдар үшін міндетті карантинді білдіреді. 

Оңтүстік Кореяда өткен тәулікте коронавирус жұқтырудың 151 792 жаңа жағдайы анықталды, бұл 13 сәуірден бері тәуліктік өсімнің ең жоғары көрсеткіші. 

13 сәуірде бұл көрсеткіш 195 387 жаңа жағдайды құрады. Тәулігіне коронавирустық инфекциямен ауыратын 50 науқас қайтыс болды, бұл 22 мамырдан бері ең жоғары көрсеткіш. Ауыр жағдайлардың саны бір күн бұрынғы 364-тен 402-ге дейін өсті. 

Елдің дәрігерлері келесі аптада COVID-19 ауруының биік шегін күтеді.

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы