Қылшақты өзеніндегі су деңгейінің қалыптан тыс көтерілуіне байланысты күрделі су тасқыны жағдайына байланысты көкшетаулықтардың өмір сүру жағдайлары бұзылып, қалада ТЖ режимі жарияланды, деп хабарлайды BAQ.KZ.
Көкшетау қаласының әкімі Бауыржан Ғайса халыққа үндеуінде жағдайды тұрақтандыру үшін осы шешім қабылданғанын айтты.
Құрметті көкшетаулықтар! Қылшақты өзеніндегі су деңгейінің қалыптан тыс көтерілуіне байланысты күрделі су тасқыны жағдайына байланысты тұрғындарымыздың өмір сүру жағдайлары бұзылды. Жағдайды тұрақтандыру үшін Көкшетауда ТЖ режимін жариялау туралы шешім қабылданды, оның шеңберінде барлық залал бағаланып, оларды өтеу жөніндегі мәселелер комиссиялық түрде шешілетін болады, - деді ол.
Салдарды жою жөніндегі штаб құрылды, су басу аймағында тұратын тұрғындарды эвакуациялау жүргізілуде. 29 наурыздағы жағдай бойынша жүзге жуық адам дайындалған орындарға орналастырылды.
Барлық зардап шеккендерге қажетті көмек көрсетіледі. Жерлестеріме жағдайды түсінгеніңіз үшін және су тасқынына қарсы күресте қолдан келгенше көмек көрсеткеніңіз үшін алғыс айтамын. Зардап шеккендерге нөмір бойынша өтініш беру үшін 8 775 666 99 08 (Ватсап) хабарласуларыңызды сұраймыз, - деді әкім.
