Кентауда 3 қабатты үй өртеніп, 50 адам эвакуацияланды

2 Сәуір 2023, 14:01
760
Бөлісу:
Кентауда 3 қабатты үй өртеніп, 50 адам эвакуацияланды
Фото: Егемен Қазақстан

Эвакуацияланғандар арасында 10 бала болды. Зардап шеккендер тіркелген жоқ, деп хабарлайды BAQ.KZ.

2023 жылғы 1 сәуірде сағат 22.00-де 101 пультіне Кентау қаласындағы 3 қабатты тұрғын үйдің шатырынан өрт шыққаны туралы хабарлама түсті.

Оқиға орнына Түркістан облысы ТЖД күштері мен құралдары жіберілді. Өрттің ауданы 4 шаршы метрді құрады.

Өртті сөндіруге Түркістан облысы ТЖД Өрт сөндіру және авариялық-құтқару жұмыстары қызметінен жеке құрамынан 10 адам мен 4 бірлік техника жұмылдырылды. Өрт сөндірушілер өртті сөндіру және адамдарды қауіпсіз орынға эвакуациялау жұмыстарымен айналысты.

Оқиға орнынан 50 адам, оның ішінде 10 бала қауіпсіз жерге эвакуацияланды. Өрт сағат 22.11-де оқшауланып, сағат 22.30-да сөндірілді. Зардап шеккендер тіркелген жоқ. Қазіргі уақытта өрттің шығу себебі мен материалдық шығыны анықталуда, - делінген Түркістан облысы ТЖД баспасөз қызметі хабарламасында.

Түркістан облысы ТЖД азаматтардан мына өрт қауіпсіздігі ережелерін сақтауға кеңес береді:

- ашық отты қолданбаңыздар;

- балкондарда жанғыш материалдарды, ескі жиһаздарды, макулатураларды және отқа себепкер болатын басқа заттарды сақтамау керек;

- пәтерден шыққан кезде әрқашан балкондардың терезелері мен есіктерін жабыңыз, оларға кішкентай балалардың кіруін шектеңіздер;

- балконда алғашқы өрт сөндіру құралдарын сақтаңыздар;

- мүмкіндігінше балкондар мен лоджияларды каптап тастаңыз, терезелерді ашық қараусыз қалдырмаңыздар;

- балкондар мен лоджиялардан темекі тұқылдарын тастамаңыздар.

Күнделікті өмірде өрт қауіпсіздігінің қарапайым ережелерін сақтау өртті болдырмауға мүмкіндік береді.

Өрт кезінде 101 немесе 112 нөмірлері бойынша хабарлаңыздар.

Өзгелердің жаңалығы