Қазақстандағы әлеуметтік кәсіпкерлік өзін перспективалық бағыт ретінде көрсетті

29 Қазан 2020, 19:03
2290
Бөлісу:
Қазақстандағы әлеуметтік кәсіпкерлік өзін перспективалық бағыт ретінде көрсетті

Нұр-Сұлтан, BAQ.KZ. Жаңа жоба – әлеуметтік кәсіпкерлікті дамытудың пилоттық бағдарламасы аясындағы зерттеу нәтижелері онлайн - конференцияда таныстырылды. 

ҚР Ақпарат және қоғамдық даму министрлігінің қолдауымен «Зор Рух «ҚҚ» ЖҚ ұйымдастырған іс-шараға Әлеуметтік кәсіпкерлік саласындағы сарапшылар, әлеуметтік кәсіпкерлер, ҮЕҰ, мемлекеттік органдардың өкілдері (барлығы 100 адам) қатысты. ҚР Ақпарат және қоғамдық даму министрлігі атынан азаматтық қоғам істері комитеті төрағасының орынбасары Гүлбара Сұлтанова, сараптамалық қоғамдастық - зерттеудің сараптамалық тобының мүшелері Эмин Әскеров, Медер Аматов, Қадыржан Рамазан және басқалар ұсынды.

Онлайн – конференцияда 300-ге жуық респонденттің қатысуымен өткізілген «Қазақстандағы әлеуметтік кәсіпкерлік» тақырыбындағы зерттеу нәтижелері жарияланды.
Әлеуметтік кәсіпкерлік-қазақстандық бизнестегі жаңа тренд. Оны елімізде дамыту үшін заңнамалық база қажет. Ондағы бәсекелестік тек бір ғана нәрсе болуы керек-жақсы істерде. Біз мемлекетке қаржылық қолдау институты ретінде қарамауымыз керек, бірақ өзімізге көбірек көңіл бөліп, әлеуметтік мәселелерді шешуде мемлекетке көмектесуіміз керек, - деп санайды сараптамалық зерттеу тобының мүшесі Эмин Аскеров.
ҚР Ақпарат және қоғамдық даму министрлігінің Азаматтық қоғам істері комитеті төрағасының орынбасары Гүлбара Сұлтанова елімізде әлеуметтік кәсіпкерлік біршама қалыптасып үлгергенін айтты.
Әлеуметтік кәсіпкерлік - өзекті әлеуметтік мәселелерді шешуде белсенді азаматтар мен ұйымдардың әлеуетін пайдаланатын жалпы әлемдік үрдіс. Біздің елімізде әлеуметтік кәсіпкерлік үлкен әлеуметтік, экономикалық және рухани әлеуеті бар перспективалы бағыт ретінде қалыптасып үлгерді, - деп атап өтті Гүлбара Сұлтанова.

Өзгелердің жаңалығы