Кәсіпқой бокс: Сұлтан Зәуірбектің келесі қарсыласы анықталды

24 Наурыз 2023, 16:05
761
Бөлісу:
Кәсіпқой бокс: Сұлтан Зәуірбектің келесі қарсыласы анықталды
Фото: YouTube

Қазақстандық кәсіпқой боксшы Сұлтан Зәуірбектің (13-0, 9КО) келесі жекпе-жегі қашан өтетіні анықталды, деп хабарлайды BAQ.KZ  kazproboxing  сілтеме жасап.

Сұлтан Зәуірбектің жекпе-жегі 24 наурызда Ұлыбританияның Болтон қаласында өтеді. Ол бұл жекпе-жекті аргентиналық Фасундо Арсемен (15-9-2, 7КО) өткізеді.

Хабарланғандай, боксшылар кездесу алдында салмақ өлшеу рәсімінен өтіп үлгерді. Қазақстандық боксшының салмағы жартылай орта ауырлық санатындағы лимиттен асқан жоқ.

Зәуірбек пен Арсе Болтондағы бокс кешінің андеркардында шығады. Ал басты жекпе-жекте британдық Лайндон Артур (21-1, 15КО) мен аргентиналық Брайан Суарес (18-1, 17КО) IBO-ның жартылай ауыр салмақтағы әлем чемпионы титулын сарапқа салады.

Өзгелердің жаңалығы