Кәсіпкерлерді QR-код арқылы сәйкестендіретін болады

16 Наурыз 2021, 09:49
2136
Бөлісу:
Кәсіпкерлерді QR-код арқылы сәйкестендіретін болады

Нұр-Сұлтан, BAQ.KZ. Қазақстандық кәсіпкерлерді Мемлекеттік кірістер комитетінің сайтынан алуға болатын арнайы QR-код арқылы сәйкестендіретін болады. 

«Шолып тексеру» пилоттық жобасы көлеңкелі экономиканың үлесін азайтуға және салық мәдениетін арттыруға бағытталған. 

Комитеттің баспасөз қызметі хабарлағандай, пилоттық жобаны 2022 жылдың соңына дейін аяқтау жоспарлануда. Жабық базарлардың, сауда үйлерінің, дүкендердің, павильондардың (ашық базарларды есептемегенде) аумағында ҚР-да көтерме және (немесе) бөлшек сауданы жүзеге асыратын кәсіпкерлер Мемлекеттік кірістер комитетінің порталында (kgd.gov.kz) «Ақпараттық ресурстар» қосымша бетінде штрих-кодты (QR-кодты) алуы тиіс. 

Сәйкестендіргіш кәсіпкер туралы мәліметтерді (ЖСН/БСН, атауы, бақылау-касса машинасының орналасқан жерінің мекенжайы, салық төлеушінің мәртебесі, алкоголь өніміне лицензияның болуы) қамтиды. Бұл сатып алушылардың кәсіпкерді сәйкестендіруі үшін қажет. 

Фискалды чек берілмеген, тауарлар үшін төлемді банк картасымен қабылдаудан бас тартылған, алкоголь өніміне лицензия болмаған жағдайда сатып алушы ұялы телефонының көмегімен QR-код арқылы есептелген пилоттық жобаға қатысушы туралы деректерді пайдалана отырып, мемлекеттік кірістер органдарына шағым жолдауға құқылы, - делінген хабарламада.  
Мемлекеттік кірістер органдарының лауазымды тұлғалары бейне тіркеу және (немесе) фотофиксация құралдарын қолдана отырып жіберілген шағымдар бойынша ғана шолып тексерулер жүргізеді. 

Бұл ретте шолып тексеруді жүргізу туралы шешімде көрсетілген шолып тексеруді жүргізу мерзімі басталғанға дейін 3 (үш) жұмыс күнінен бұрын Мемлекеттік кірістер органдарының интернет-ресурсында аталған шешім орналастырылады. 

Шолып тексеру жүргізу арқылы салық төлеушілерді әкімшілендіру бойынша пилоттық жобаның жүргізілу тәртібімен сілтемесі бойынша толығырақ танысуға болады.

Өзгелердің жаңалығы