Қарағандыда ауланы абаттандыру жұмыстары аяқталды

3 Қыркүйек 2019, 22:12
1469
Бөлісу:
Қарағандыда ауланы абаттандыру жұмыстары аяқталды

Нұр-Сұлтан, BAQ.KZ. Қарағандыда 62 ауланы абаттандыру жұмыстары мерзімінен бұрын аяқталды. Тағы 38 аулада жұмыстар жалғасуда. Жөндеу жұмыстары қазан айының басында аяқталады деп жоспарлануда, деп хабарлады karaganda-region.gov.kz.

Бұл туралы қалалық әкімдікте өткен аппараттық жиналыста баяндалды. Аулалардағы жөндеу жұмыстары асфальттауды, тас төсеуіштерді төсеуді, жиектастарды, шамдарды, орындықтар мен урналарды орнатуды қамтиды. Биылғы жылы 100 ауланы абаттандыру жоспарланған. 

"Басты проблемалардың бірі - аулада жарықтандырудың болмауы. Шамдар бар, бірақ олар жанбайды. Бұл мәселе шешілуде, бірақ қазір жөндеу жұмыстары аяқталған аулаларда адамдар әлі де қараңғы деп айтады. Оларға не қажет екенін түсіндіріңіз. Жарықтандыру нысанды қабылдаған соң қосылады, ал қабылдау қазан айының басында жүзеге асырылады. Оның барлығы қаражатқа байланысты - жарықтандыруды аудандық әкімдік төлейді", - деді қала әкімі Нұрлан Әубәкіров.

Ол аудан әкімдеріне жөнделген аулалардың техникалық төлқұжаттарын әзірлеуді тапсырды. Қала басшысының айтуынша, бұл коммуналдық қызмет көрсетушілер мен кәсіпкерлерді техникалық жұмыстарды жүргізгеннен кейін асфальт пен кеспе тастарды қалпына келтіруге міндеттеуге көмектеседі. 

Өзгелердің жаңалығы