Канада жағалауында магнитудасы 5,5 болатын жер сілкінісі тіркелді

Канаданың Ванкувер аралы жағалауында магнитудасы 5,5 болатын жер сілкінісі болды.

Бұл туралы Синьхуа агенттігі жазды.

Неміс геоғылымдар зерттеу орталығының (GFZ) мәліметінше, жер сілкінісі сенбі күні Гринвич уақыты бойынша 04:49-да тіркелген.

Алдын ала мәліметтерге сәйкес, жер сілкінісінің эпицентрі 49,62° солтүстік ендік пен 129,28° батыс бойлық координаттарында орналасқан. Жерасты дүмпулерінің ошағы 10 шақырым тереңдікте болған.

Қазіргі уақытта зардап шеккендер мен қираулар туралы ақпарат жарияланған жоқ.

Еске салайық, бұған дейін Жапониядағы жойқын жер сілкінісінен 35-ке жуық адам қаза тапқаны туралы хабарланған болатын.