IWF: Әлем чемпионатын өткізген ел өз спортшыларын қатыстыра алмайды

Алматы, BAQ.KZ. 2019 жылы ауыр атлетикадан әлем чемпионаты Таиландта өтеді. Бірақ әлемдік додаға тай елінің зілтеміршілері қатыса алмайды.

Халықаралық ауыр атлетика федерациясының (IWF) ақпараты бойынша, көптеген таиландық зілтеміршінің допинг-сынамасы оң нәтиже көрсетуіне байланысты IWF аясындағы сайыстарға бұл елдің спортшылары қатыса алмайды.
Соған қарамастан таиландтық федерация (TAWA) 16-25 қыркүйек арасында Паттайеде әлем чемпионатын қабылдамақ.

IWF атқарушы комитетінің Лас-Вегастағы отырысында жастар арасындағы 2021 жылғы әлем чемпионаты Джидда қаласында (Сауд Арабиясы), ал жасөспірімдер арасындағы әлемдік біріншілік Өзбекстан астанасы Ташкентте өтеді деп хабарланды.