Адамдар жақындарының тағдыры туралы білуге құқылы – Әзімова 
17 Қаңтар, 19:37 685

Адамдар жақындарының тағдыры туралы білуге құқылы – Әзімова 

Нұр-Сұлтан, BAQ.KZ тілшісі. Бұл туралы Адам құқықтары жөніндегі уәкіл Эльвира Әзімова ҚР Президенті жанындағы ОКҚ-да өткен брифингте айтты.

Әлеуметтік желіде жоғалған азаматтар туралы хабарламалар бар. Олардың қатарында осы күндері медициналық мекемелерге түскендер де немесе жеке басын куәландыратын құжаттардың болмауына байланысты ұсталғандардың қатарында болғандар да бар. Техникалық сипаттағы айқын себептер бойынша, камералардың зақымдалуына байланысты, құжаттарсыз болған адамдардың жеке басын сәйкестендіру үшін тексеруге уақыт кетті. Әрине, бұл мәселеде кез келген бұрмалаушылық пен болжамдарға жол берілмеуі тиіс. Адамдар жақындарының тағдыры туралы білуге құқылы, - деді ол.

Әзімова айтқандай, Алматы мен Нұр-Сұлтандағы арнайы мекемелерге бару көрсеткендей, ұсталған азаматтардың көпшілігі тұрғылықты жері бойынша есептік тіркеуден өтпеген және туыстары олардың ұсталғаны туралы білмейтін болып шықты.

Олардың көпшілігінде жеке басын куәландыратын құжаттары  болмаған. Бірақ мен сөйлескен тұтқындалғандардың арасында өздері жөніндегі деректерді жариялауға не жақындарына өздерінің орналасқан жері туралы хабарлаудан бас тартқандары да бар. Сондықтан жекелеген азаматтардың мұндай тізімдерді қалыптастыру және әлеуметтік желіде орналастыру әрекеттері сенімді немесе толық емес. Күн сайын жағдай өзгеруде. Сондықтан жергілікті жерлердегі ішкі істер органдары мен денсаулық сақтау ұйымдары мұндай ақпаратты дереу беруі қажет, - деді ол.

Ның айтуынша, біздің әрқайсымыз заңдылықты қалпына келтіруге көмектесуіміз керек.

Сіздің өтініштеріңіз бен сигналдарыңыз - бұл болашақта бұзушылықтар мен заңсыздықтардың алдын алуға қосқан үлесіңіз. Заңды және басқа азаматтардың құқықтарын құрметтеу жеке қорғаудың кепілі болып табылады. Біз әділетсіз айыптаулар мен сыннан аулақ болуымыз керек. Біз бірігуіміз және барлық күш-жігерімізді сындарлы арнаға бағыттауымыз керек, - деді ол.


Фото: ашық дереккөз
Загрузка...