Форум Астанада 20-21 маусым аралығында өтеді, деп хабарлайды BAQ.KZ.
Ақпарат және қоғамдық даму министрлігінің баспасөз қызметі Халықаралық волонтерлер форумына қатысуға өтінім қабылдау басталғанын хабарлады. Форумға белсенді волонтерлер, волонтерлік жобалардың үйлестірушілері, волонтерлік ұйымдардың, бастамашыл топтардың басшылары қатыса алады.
Өтінімдер 5-15 мамыр аралығында қабылданса, байқау қорытындысы 25 мамырдан кейін жарияланады. Әр өңірден 4 жеңімпаз 20-21 маусымда Астана қаласында өтетін Халықаралық волонтерлер форумына шақырылады.
Бүгінде форум волонтерлер мен волонтерлік ұйымдар үшін ірі халықаралық іс-шаралардың біріне айналған. Онда 30-дан астам шет елдерден, сондай-ақ Қазақстан өңірлерінен бірқатар делегаттар қатысады деп жоспарланып отыр, – делінген АҚДМ баспасөз қызметінің хабарламасында.
