Нұр-Сұлтан, BAQ.KZ. Гонконгта мегаполистегі ең ұзын және терең жаңа суасты түнелі ашылды.
Бұл туралы ТАСС агенттігі Қытайдың арнайы әкімшілік ауданының көлік департаментіне сілтеме жасап хабарлады.
5,5 шақырымдық түнел Гонконгтың жаңа аумағындағы Тонгмун аймағын Чеклапкок халықаралық әуежайының жанындағы Лантао аралына және 2018 жылдың соңында ашылған алып Гонконг-Макао-Чжухай көпіріне теңіз аймағы арқылы кіргізді, - делінген хабарламада.
Түнелдің құрылысына 47 миллиард гонконг доллары (6,1 миллиард доллар) жұмсалған. Алып құрылыс жеті жылдың ішінде салынды. Ол арқылы саяхаттау тегін болады.
Бағыт теңіз түбінен 60 м тереңдікте өтеді. Түнелді төсеу үшін диаметрі 17,6 м болатын үлкен бұрғылау машинасы пайдаланылды.
Бұл Гонконгтағы бұрғылау арқылы салынған алғашқы суасты түнелі. Осыған ұқсас тағы үш объект Виктория бұғазындағы таяз суларда түптік әдіспен салынған.
