Нұр-Сұлтан, BAQ.KZ. ESPN Deportes журналисті Сальвадор Родригес DAZN қызметінің алдағы 2020 жылдың күзіне арналған жоспарларын анықтады, деп хабарлайды Sports.kz.
Платформаны трансляциялаудың жұмыс кестесінде Геннадий Головкиннің (40-1-1, 35 КО) Польшадан міндетті үміткер Камил Шереметке (21-0, 5 КО) қарсы жекпе-жегі де бар. DAZN жекпе-жектің қараша айында болатынына үміт артып отыр.
Айта кетейік, Головкин-Шереметтің жекпе-жегі бірнеше рет кейінге қалдырылды. Бастапқыда жекпе-жек ақпан айына жоспарланған болатын. Содан кейін мүмкін болатын мерзім ретінде наурыз, маусым және қазан айлары таңдалды. Поляк боксшысымен болатын жекпе-жек GGG-ге орта салмақта IBF әлем чемпионы атағын қорғап қалуға мүмкіндік береді. Боксшы Калифорниядағы Биг Беар қаласында жаттығуды бастап кетті, ал Шеремет өз отанында жаттығуда.
