Филиппин аралдарында жанартау оянып, 30 мың адам көшірілді, деп хабарлайды BAQ.KZ.
Қазір қауіп төнген аймақтардан тұрғындарды көшіруге әскерилер көмектесіп жатыр. Бұған Албай провинциясындағы мыңдаған адам жұмылдырылған. Жанартаудан 8 шақырым қашықтықта орналасқан барлық үйдің тұрғындары эвакуациялануда. Билік өкілдерінің мәлімдеуінше, көшіру 3 күнге созылуы мүмкін.
Айта кетейік, жанартау маусымның 11-і күні атқылай бастады. Апаттық жағдай енді басталғанда 14 мыңға жуық адам баспаналарын тастап кетуге мәжбүр болған. Қазіргі таңда Майон Филиппиндегі ең белсенді жанартау болып есептеледі.
