Есірткіге тәуелді жастардың саны үш жылда екі жарым есеге артқан – депутат

Есірткіге тәуелді жастардың саны үш жылда екі жарым есеге артқан – депутат
347

Мәжіліс депутаты Ғалымжан Елеуов Палатаның жалпы отырысында жастар арасындағы есірткіге  құмарлық мәселесін көтерді, деп хабарлайды BAQ.KZ.

Депутаттың айтуынша, бүгінде жастардың денсаулығына, әл-ауқатына және қауіпсіздігіне қауіп төндіретін өткір проблемалардың бірі – нашақорлық.

Соңғы үш жылда синтетикалық есірткіге тәуелді жастардың саны екі жарым есеге артқан. Себебі, синтетикалық есірткілер жасөспірімдер үшін арзан әрі оған оңай қол жеткізуге болады, – деді Ғалымжан Елеуов. 

Осы орайда мәжілісмен Ішкі істер министрінің бірінші орынбасары Марат Қожаевтан синтетикалық және тағы басқа да есірткілермен «байланыссыз» сауда арналарын анықтау мен олардың жолын кесу үшін қандай шаралар қолданып жатқанын сұрады. Сонымен қатар есірткі тарататын адамдарды жазалауды қатаңдату жөнінде министрліктің атқарып жатқан іс-әрекеттері туралы сауал қойды.

М.Қожаев атап өткендей, 2019 жылдан бері есірткі тасымалдаушыларға қатаң жаза белгіленген. Оларды 5 жылдан өмір бойына дейін бас бостандығынан айыру қарастырылған. Сондай-ақ, елімізде бірнеше наркозертхана, притондар анықталып, 105 кг-нан астам синтетика тәркіленген. Оның бағасы 2 млдр теңгеден асады.

Өз кезегінде, Ақпарат және қоғамдық даму министрі  Дархан Қыдырәлі осы бағытта министрлікте арнайы жұмыс тобы 2019 жылдан бері үздіксіз жұмыс істеп келе жатқанын айтты. Олар күндіз-түні бақылау қызметтерін іске асырып, әрі қарай Ішкі істер министрлігіне тапсырады. 

Қысқа да нұсқа. Жазылыңыз telegram - ға
Өзгелердің жаңалығы