Танымал әнші Ерке Есмахан өзінің сұлулық сырымен бөлісіп, бетіне операция жасатты деген хейтерлерге жауап берді, деп хабарлайды BAQ.KZ тілшісі.
Өнер иесінің сөзінше, бетіне ештеңе жасатпаған. Ол өзінің бетіне қатты күтім жасайтынын айтты.
Ерке бетіне пластика жасатқан, үйткен бүйткен деп жазып, өздерінің ішіндегі комплекстерін жұбататын әйелдер, қыздар өте көп. Настроениелеріңізді түсірейін, бетіме ештеме жасатпағам. Құдай куә және күйеуім куә. Кішкентай қыз болдым, бойжеттім, есейіп ару боп әдемілендім. Ана болып әрлендім. Өзіме қатты күтім жасаймын. Енді табиғатты пластикаға жатқызу қате, - деп жазды Ерке Instagram-дағы парақшасында .
Әнші қазір ондай дүниелерге таңғалатын заман емес екенін атап өтті.
Жалпы қазір блогер, әншілер. Бет мұрын жасатып, қай жерін алып, қай жерін салып жатқанын ашық көрсетеді ғой. Неге таң қаласыздар қазіргі заманға сай болып жатқан трендттерден?, - деп түйіндеді ол.
