Астана қаласының Сарыарқа ауданында жылу беру құбыры жарылды, деп хабарлады BAQ.KZ.
Бұл туралы елорда әкімдігінің баспасөз қызметі мәлім етті.
КамАЗ жүргізушісі мұнара кранының құрылымын тасымалдау кезінде сыртқы магистральдық жылу беру тарссасын зақымдады. Салдарында Сарыарқа ауданы, Ы. Дүкенұлы көшесі, 30-үйдің маңында құбыр жарылды. Зақымданған аумақты оқшаулаумен «Астана-Теплотранзит» АҚ-ның жедел мобильді топтары айналысып жатыр, - деп мәлімдеді қала әкімдігінің баспасөз қызметі.
Жылу құбырын қалпына келтіру жұмыстары барысында Ы. Дүкенұлы көшесі жартылай жабылған. Әкімдік ақпараты бойынша бірқатар әкімшілік нысан мен тұрғын үйлер жылудан ажыратылған. Жоспарға сәйкес қалпына келтіру жұмыстары 5-8 сағат көлемінде жүргізіледі.
