Нұр-Сұлтан, BAQ.KZ. Нұр-Сұлтан қаласындағы мерекелік демалыс күндеріне арналған ауа райы болжамы жарияланды.
Бұл туралы елорда әкімдігінің ресми сайты «Қазгидромет» РМК-ға сілтеме жасап хабарлайды.
1 мамыр: көшпелі бұлт шығады, жауын-шашынсыз. Солтүстік-батыстан 9-14 м/с жылдамдықпен жел соғады, ауа температурасы түнде 1-3 градус, топырақ бетінде -1-3 градус, күндіз 13-15 градус жылы болады.
2 мамыр: көшпелі бұлт шығады, жауын-шашынсыз. Оңтүстік-шығыстан 5-10 м/с жылдамдықпен жел соғады, ауа температурасы түнде 0-2 градус, топырақ бетінде -1-3 градус, күндіз 16-18 градус жылы болады.
3 мамыр: көшпелі бұлт шығады, жауын-шашынсыз. Оңтүстік-батыстан солтүстік-батысқа ауысуымен 7-12 м/с жылдамдықпен жел соғады, ауа температурасы түнде 3-5, күндіз 20-22 градус жылы болады.
