Елорда оқушыларына жол ережелері түсіндірілді

Нұр-Сұлтан, BAQ.KZ. Нұр-Сұлтан қаласы ПД Жергілікті полиция қызметі мен Нұр-Сұлтан қаласының Білім басқармасы, қаладағы жалпы білім беретін мектептер арасында қозғалыстың жас инспекторларының аудандық слетін өткізді.   

Жол қозғалысы жас инспекторларының қызметінің негізгі міндеті – балалар мен жасөспірімдер арасындағы жол жүру ережелерін насихаттау болып табылады.

Қазіргі уақытта елорда аумағында 75-тен астам жол қозғалысы жас инспекторларының жасақтары патрульдік полиция қызметкерлеріне әр түрлі алдын-алу іс-шараларын ұйымдастыруға, жаяу жүргіншілердің жол жүру ережелерін сақтау бойынша насихаттау жұмыстарын жүргізуге жәрдемдеседі.     

                                                                                                                                                                                                                                                                                  Шара масаты - балалар арасындағы жол-көлік жарақаты мәселесі мен жол-көлік оқиғасының санын барынша азайтуға қоғамның назарын аудару болып табылады. 

Балалар жол-көлік оқиғасы кезінде  жол ережелері туралы білімдерін, реттеушілердің ым-ишаралары, алғашқы медициналық көмекті жылдам көрсету туралы білімдерін көрсетті.