Синоптиктер сенбі, 10 қыркүйекке арналған ауа райы болжамын ұсынды, деп хабарлайды BAQ.KZ.
"Қазгидромет" РМК мәліметі бойынша, еліміздің басым бөлігінде жаңбыр жауады. Солтүстік-батыста найзағай ойнап, бұршақ жауып, жел күшейеді деп болжанды. Республиканың оңтүстік-батысында шаңды дауыл болады.
Түнде Қарағандының солтүстігінде, Абайдың батысында, Шығыс Қазақстанның солтүстік-шығысында, Батыс Қазақстанның солтүстігінде топырақ бетінде 2 градус аяз болады.
Қызылорданың басым бөлігінде, Түркістанда, Алматыда, Жетісуда, Ұлытауда, Ақтөбенің оңтүстігінде, шығысында, Абайдың солтүстігінде, Шығыс Қазақстанның солтүстік-шығысында, батысында, оңтүстігінде, Қарағандының шығысында, оңтүстікте Батыс Қазақстан, оңтүстігінде, батысында Атырау, Жамбылдың оңтүстігінде, Қостанай облысының оңтүстігінде төтенше өрт қаупі сақталады.
