EcoStudentKZ челленджі Шымкенттен басталып, Павлодарда жалғасты

3 Қазан 2022, 18:08
1676
Бөлісу:
EcoStudentKZ челленджі Шымкенттен басталып, Павлодарда жалғасты
PHOTO

Шымкенттік студенттер EcoStudentKZ республикалық экологиялық челленджіне қатысып, Қошқар ата өзенінің жағалауында шашылған қоқысты жинады, деп хабарлайды Шымкент қаласындағы BAQ.KZ тілшісі. 

Осылайша студенттердің EcoStudentKZ акциясы Шымкенттен басталды. 

EcoStudentKZ челленджі Шымкенттен басталып, Павлодарда жалғасты

Шымкенттегі челленджді ұйымдастырудың басы-қасында жүрген ОҚМПУ Жастар саясаты бөлімінің меңгерушісі Бекдаулет Тасболаттың айтуынша, кешегі акцияға Шымкенттегі 8 университеттен 150-ге жуық студент қатысыпты. 

EcoStudentKZ челленджі Шымкенттен басталып, Павлодарда жалғасты

Челлендж Шымкенттен басталды. Шымкент қаласы ішкі саясат және жастар істері жөніндегі басқармасының қолдауымен студенттің өзін-өзі басқару ұйымдары аарсында тәжірибе алмасу конференциясы өткен еді. Сол конференцияда студенттер тарапынан осындай акцияларды өткізейік деген ұсыныс түсті. 8 университеттегі Студенттің өзін-өзі басқару төрағалары қолдады. Және бұл идеяны бөлісу үшін біз басқа өңірлерге де шықтық. Олар да қолдау білдірді. Сосын идея авторы Шымкент қаласы болған соң, Шымкенттен бастау алды, – дейді ол. 

EcoStudentKZ челленджі Шымкенттен басталып, Павлодарда жалғасты

Оның айтуынша, студенттер челлендж аясында Әл-Фараби ауданы аумағындағы Қошқар ата жағалауына тазалық жүргіздік. Мұндағы мақсат – қала тазалығының маңыздылығын жұртшылыққа түсіндіру, барынша насихаттап, хабардар ету екен. 

Челлендж идеясы конференция барысында пайда болды. Біз институт жанындағы жастар кеңесіне ұсындық. Мақсатымыз – ел арасында экологиялық сананы қалыптастыру. Қоқыс тастамауға, жинауға үйрету. Сенбілік өткізу мақсатымызға жатпайды. Мысалы, батыс жастары Каспий мен Жайықта болып жатқан жағдайға назар аударту үшін түрлі іс-шаралар өткізу мүмкін. Осылайша экологияны тазартып, жеріміздің ұзақ өмір сүруіне атсалысу, – деді Бекдаулет Тасболат. 

Шымкенттік студенттер челленджі Павлодар жастарына жолдады. Челлендж одан әрі Екібастұз, Түркістан, Тараз, Петропавл, Алматы, Семей қалаларында жалғаспақ. 

Өзгелердің жаңалығы