Қазақстандық танымал әнші Димаш Құдайберген жаңа әніне түсірген бейнебаянын бөлісті, деп хабарлайды BAQ.KZ.
Ол видеоны Instagram-дағы парақшасында жариялады.
Құрметті достар! Жаңа Smoke әніме бейнебаянның шығуына орай біз жақсы көңіл-күй үшін бейнебаянның бір бөлігін көрсетуді ұйғардық. Бұл сіздерді жалықтырып алмайды деп сенемін. Жақында Будапештте және Стамбулда көрісеміз. Жаңа әнді концертте тыңдағыңыз келе ме? Сіздермен кездесетін сәтті күтемін, - деп жазды әртіс.
Димаштың жанкүйерлері бейнебаянға жоғары баға беріп, оның Венгриядағы концерттерін асыға күтетінін айтты.
