Нұр-Сұлтан, BAQ.KZ. DAZN стримингтік сервисімен ынтымақтастық орнатқан Mathroom Boxing промоутерлік компаниясының басшысы Эдди Хирн қазақстандық боксшы Данияр Елеусіновтің америкалық спортшы Алам Санчесті 5-раундта жеңуіне байланысты пікір білдірді. Бұл туралы Vesti.kz хабарлады.
Боксшылардың жартылай орта салмақтағы жекпе-жегі Финикстегі (АҚШ, Аризона штаты) Talking Stick Resort аренада өтті. Дәрігерлер Санческе боксты жалғастыруға рұқсат бермеген соң, рефери бесінші раундта жекпе-жекті тоқтатты. Осылайшы рефери Елеусінов техникалық нокаутпен жеңді деп шешті.Қазақстандық боксшының жекпе-жегіне ерекше баға бергендер де бар.
Данияр Елеусінов тұрақты түрде кәсіби боксшы ретінде шығып жүр, - деп жазды твиттерде америкалық ESPN танымал журналисі Стив Ким.
Дәл солай! Ол бұдан былай тек жоғары көтеріле береді. Себебі қарсыластарының деңгейі де көтеріліп келеді, - деп жауап берді Хирн.
