Дағдарыс-менеджер феномені: Астанада Бердібек Сапарбаев туралы кітап пен фильм таныстырылды

Елордада «Бердібек Сапарбаев тұлғасы: дағдарыс-менеджер феномені» республикалық ғылыми-практикалық конференциясы өтіп жатыр, деп хабарлайды BAQ.KZ тілшісі.

Конференция аясында Қазақстанның белгілі мемлекет және саяси қайраткері Бердібек Сапарбаевқа арналған «Өнегелі өмір» кітабының тұсаукесері өтті. Онда қоғам қайраткерінің үзеңгілестері, ағайын-туыстары мен шәкірттерінің қағазға түсірілген ойлары жинақталып, естелік кітап болып жарық көрді. Кітапта Бердібек Сапарбаевтың портреті, тұлғасы жинақталған.

Конференцияға белгілі қоғам және мемлекет қайраткерлері, Парламентінің депутаттары, ғылыми-мәдени қауымдастықтың көрнекті өкілдері қатысып жатыр.

Бердiбек Машбекұлы Сапарбаев 1953 жылы Қызылорда облысы Жаңақорған ауданындағы Бесарық ауылында туған. Қоғам қайраткері 2023 жылы 10 маусымда өмірден өтті.