Нұр-Сұлтан, BAQ.KZ. ҚР ТЖМ баспасөз қызметі ауа райының нашарлауына байланысты «Жедел байланыс желісі» ашылғанын хабарлады.
Ауа райының нашарлауына байланысты (көктайғақ, қар аралас жаңбыр, қарлы боран, көру мүмкіндігі шектеулі) ТЖМ-да, Ақмола, Қарағанды және Павлодар облыстары ТЖД-да «Жедел байланыс желісі» ашылды, - делінген хабарламада.
ТЖМ: 8 717 2 53 32 84
Ақмола облысы ТЖД: 8 716 2 55 14 84
Қарағанды облысы ТЖД: 8 721 2 51 72 23
Павлодар облысы ТЖД: 8 718 2 20 11 12.
Еске сала кетейік, 7 ақпанның түнінен бастап республикалық маңызы бар «Нұр-Сұлтан-Петропавл» автожолының жабылуына байланысты ауа райының қолайсыздығына байланысты Нұр-Сұлтан және Щучинск қалаларынан шыққан кезде автокөлік жиналды.
ТЖМ және ТЖД Дағдарыс орталығында жедел әрекет ету және ведомствоаралық өзара іс-қимылды ұйымдастыру үшін жедел штаб құрылды. Ақмола облысы ТЖД және Нұр-Сұлтан қаласы ТЖД «112» пультіне тұрғындардан ақпараттық сипаттағы 5500-ге жуық қоңырау келіп түсті, олар белгіленген тәртіппен пысықталды.
Азаматтарды ауа-райының өзгерістерін бақылауға шақырамыз. Дауылды ескерту туралы хабарламаларды тыңдап, қажетті сақтық шараларын сақтаңыздар. Қыс маусымында көлікпен алыс жолдарға шықпас бұрын, ауа райы болжамын міндетті түрде зерделеген жөн. Егер қатты боран, бұрқасын болса, жол кептелісінде ұзақ тұрып қалуыңыз мүмкін. Тіпті жол-көлік оқиғасына да тап болуыңыз ықтимал, - дейді ҚР ТЖМ ресми өкілі Талғат Уәли.
Егер қандай да бір елді мекенге шұғыл баруыңыз керек болса, діттеген жеріңізге кедергісіз жету үшін теміржол көлігін пайдалануға кеңес береміз.
Төменде келтірілген қарапайым ұсынымдарды орындасаңыз, боран болған кезде және бораннан кейін аман қалуға көп септігін тигізеді.
Қыста жолға шығар алдында:
- Мұқият ауа райы болжамын зерделеңіз;
- Қозғалыс үшін қандай жолдар жабылуы мүмкін екенін анықтаңыз.
Ақпаратты «Қазавтожол» ҰК сайтында толығымен жабық учаскелердің картасын көруге болады. Не болмаса бірыңғай телефон нөмірі 1403 немесе құтқару қызметінің «112» телефон нөмірі, сондай-ақ «Дәрмен» мобильді қосымшасы арқылы нақтылауға болады.
«112» қызметінен ресми дауылды ескерту алған жағдайда елді мекендерден және жолға шығудан бас тарта тұру қажет.
