Нұр-Сұлтан, BAQ.KZ тілшісі. Бұл туралы Ауыл шаруашылығы вице-министрі Айдарбек Сапаров Үкімет отырысында айтты.
Облыс әкімдіктерінің деректері бойынша биыл минералды тыңайтқыштарды шамамен 659 мың тоннаны топыраққа енгізу жоспарланған, бұл өткен жылдан 32,2 мың тоннаға артық. Бүгінгі таңда тыңайтқыштарды жеткізуге келісім-шарт 226 мың тонна көлемінде жасалды. Іс жүзінде барлық өңірлерде минералды тыңайтқыштарды жөнелту басталды, аграршыларға шамамен 56 мың тонна тыңайтқыш тиелді, оның ішінде оңтүстік өңірлерге 16,9 мың тонна. Қоймалардағы қорлар, соның ішінде импорттық тыңайтқыштар қалыптасты, - деді ол.
Сапаров атағандай, аймақтарға дақылдардың өнімділігін арттыру үшін тыңайтқыштарды қолданудың маңыздылығына назар аударуды ұсынамын.
Осыған байланысты, әсіресе олардың құнының өсуін ескере отырып, фермерлерді тыңайтқыштармен уақтылы және толық қамтамасыз ету қажет. Әкімдіктер тарапынан субсидиялауға 27 млрд теңге қарастырылған, оларды барынша тиімді пайдалану керек. Пестицидтерге келетін болсақ, олардың бағасы да өсті. 2020 жылмен салыстырғанда пестицидтердің бағасы екі есе өсті. Егер көктемде бағаның өсуі 70% болса, күзде бағалар 2 есе өсті. 2022 жылға арналған пестицидтерді субсидиялау бағдарламасына 29,7 млрд теңге көзделген, бұл егіс алаңын 100% өңдеуге мүмкіндік береді, деді вице-министр.
