Нұр-Сұлтан, BAQ.KZ тілшісі. Елордада бұрынғы Денсаулық сақтау министрі Елжан Біртановтың соты өтіп жатыр. Бүгін экс-министрдің қорғаушылары екінші рет судья Ибрагим Әлкеновті істі қараудан шеттетуді сұрады.
Адвокаттар судья біліксіз немесе іске қатысты ақиқатты анықтауға қызығушылық танытпайды деген уәж айтты.
Сот біліксіз немесе іс бойынша ақиқатты анықтауға қызығушылық танытпайтындығын түсінуге негіз берді, - деп атап өтті адвокат Бейсекеев.
Оның айтуынша, сот бұған дейін өтінішхаттан бас тартып, заңды бұзған. Осылайша, сот бас тартуын ешқандай негізбен дәлелденбеген.
Қорғаушының наразылығы 2022 жылғы 26 мамырдағы қаулыға қатысты болып отыр. Ол жерде сот прокурор Жараспаев, Толқанбаев пен Шекеновты істен шеттетуден бас тартқан. Оған дейін олар олқылықтарға жол берген. Сол себепті іс Бас прокуратураға қайтарылған.
Бірақ қазір соттың басты істі қарауына қатысып отыр. Сондай-ақ адвокат Бейсекеев тараптар барлық материалдар және заттай айғақтармен танысып болмайынша істі жүргізуді тоқтата тұруды, сонымен қатар Біртановтың қорғаныс тарапының іске тартқан құжаттарын сот ісі тіліне аударуды сұраған болатын. Оған қоса, қорғаушы жәбірленушінің өкілі Ақбаевты шеттетіп, оны қорғанушы тараптың куәгері ретінде жауап алудан бас тартқан 2022 жылғы 26 мамырдағы сот қаулысына қатысты қарсылығын білдірді.
Судья Әлкенов болса, Ақбаевқа қатысты мәселе шешілгендіктен сот бұл шешімге шағымды қараудан бас тартқандығын айтты.
Бұған дейін де Біртановтың адвокаттары судья Әлкеновті істі қараудан шеттетуді сұраған болатын.
