Бір-бірін танитын елді мекендерде сайлаудың нәтижесін бұрмалау мүмкін емес – Дәурен Абаев

18 Маусым 2021, 13:14
1674
Бөлісу:
Бір-бірін танитын елді мекендерде сайлаудың нәтижесін бұрмалау мүмкін емес – Дәурен Абаев

Нұр-Сұлтан, BAQ.KZ тілшісі. Президент әкімшілігі Басшысының бірінші орынбасары Дәурен Абаев «Ашық диалог» сұхбатында саясатта еліктеу дегеннің болмайтынын айтты. Сонымен қатар ауыл әкімдерінің сайлауына қатысты пікір білдірді.

Қасым-Жомарт Тоқаевтың Президенттің болып сайланғанына екі жыл толғаны туралы тақырыпты жалғастыра отырып, оның саяси реформалары туралы сұрамай кетпеуге болмас. Қоғамда сын айтатындар, келіспейтіндер, ширманың артындағы реформа, демократияға еліктеу деп атайды. Сіз оларға не деп жауап бере аласыз?, - деп сұрады бағдарлама жүргізушісі. 

Абаев мұндай мәлімдемелердің басты мақсаты - мемлекет жұмысын кез келген бағамен төмендету екенін атап өтті. 

Бізде бірнеше жыл бойына бір тақырыпты әртүрлі сөзбен езіп жүре беретін сарапшылар бар. Бізде танымал болудың ең оңай жолы –  мемлекетке сын айту және пессимизм. Инновацияларды жүйелі түрде бағалауға тырысу әлдеқайда қиын. Саясатта еліктеу болмайтынын түсіну керек. Бұл ескірген тәсіл, - деп түсіндірді Дәурен Абаев. 

Оның пікірінше, кез келген, тіпті шағын реформаның өзі жүйені қиындатады. Жүйе неғұрлым күрделі болса, соғұрлым оның шығындары мен тепе-теңдіктері бар. 

Мәселен, осы жазда ауыл әкімдерінің тікелей сайлауы өтеді. Шындығында, бұл күрделі өзгеріс. Жай ғана жергілікті биліктің иесін анықтау емес, саяси қатысу болып саналады. Алдағы сайлаудағы ең маңызды нәтиже – адамдардың өздерінің әкімді анықтауда ықпалы бар екенін сезінетіндігінде. Әрине, үнемі пессимистік көзқараста жүретіндер – бұл сайлауда алдын ала бәрі белгілі деп ойлайды. Бірақ бәрі бір-бірін танитын елді мекендерде сайлаудың нәтижесін бұрмалау мүмкін емес екенін түсінуіміз керек, - дейді Президент әкімшілігі басшысының бірінші орынбасары.


Өзгелердің жаңалығы