Нұр-Сұлтан, BAQ.KZ. Балқаш орталық ауруханасының базасында ПТР-зертхана ашылды, деп хабарлайды Қарағанды облыстық әкімдігінің ресми сайты.
Облыстық денсаулық сақтау басқармасының мәліметінше, оның қуаты тәулігіне 500 сынақты құрайды. Балқаш, Приозерск, Ақтоғай және Шет аудандарының тұрғындарына қызмет көрсетеді. Жалпы алғанда, бұл шамамен 130 мың адам.
Мекеме барлық талаптарға сай және Германияда өндірілген қажетті жабдықтармен жабдықталған. Үй-жайларда жөндеу жұмыстары жүргізілді, техника орнатылды, қажетті реактивтер сатып алынды. Зертхана қызметкерлері Қарағандының жетекші зертханалары базасында арнайы оқытудан өтті.
Жобаның жалпы құны 39 млн теңгені құрады. Оны жүзеге асыру көп жағдайда «Сары Қазына» қолдауының арқасында жүзеге асырылды: демеушілер 29 млн теңгеге барлық қажетті медициналық жабдықтарды сатып алды.
Бұрын ПТР зерттеуге барлық биологиялық материалдар Балқаштан Қарағандыға жіберілетін. Нәтижелерді алу үшін 3 күннен 5 күнге дейін уақыт қажет болатын. Жаңа ПТР зертханасының пайда болуымен коронавирустық инфекцияны тезірек анықтауға болады. Талдауды өңдеу орташа есеппен 5 сағатты алады. Нәтиже бір тәулік ішінде беріледі.
