Нұр-Сұлтан, BAQ.KZ тілшісі. Халықаралық йога күні биыл 6-рет аталып өтпек.
Йога - ежелгі Үндістанның әлемге тартқан сыйы. Сондай-ақ, йога әлемдегі миллиондаған адамның өмір салтына айналды. Әлемге танымалдылығының белгісі ретінде жыл сайын 21 маусым - Халықаралық йога күні ретінде аталып өтеді.
Қазіргі таңда әлем халқы індет жағдайындағы өз өмірлерін жаңа бағытта бейімдей бастады. Осы ретте йога одан да танымал бола түсті. Бұл ұзақ карантин уақытында адамдардың өз денсаулығын қалыпты жағдайда ұстауға септігін тигізді. Адамдардың иммунитетін көтеріп, ерекше уақыттағы тепе-теңдік сезімін арттырды. COVID-19 індетінің қазіргі ахуалын бақыласақ, әлі де адамдардың емін-еркін жүріп-тұруына және қалыпты өмір сүруі үшін шектеу бар. Осы байланысты биыл Халықаралық йога күні-2020 денсаулықты нығайтуға және стрессті жоюға ықпал ететін йога аспектілерін атап өтуге бағытталады, - дейді Үндістанның Қазақстан Республикасындағы Елшісі Прабхат Кумар.
Дипломаттың айтуынша, Қазақстанда йога өте танымал. Йога күні ерекше аталып өтетін. Дегенмен биыл әлеуметтік арақашықтықты сақтау үшін Үндістан үкіметі ХЙК-2020 тақырыбы ретінде "Үйде йогамен" (“Ghar Ghar se Yoga”) қабылдады. Бұл бастамада йоганы үйренуде технологиялары шешуші рөл атқарады.
Нұр-Сұлтандағы Свами Вивекананд атындағы мәдени орталық йогадан тегін онлайн сабақтар жүргізеді. Сондай-ақ, 10-20 маусым аралығында "Йога чарча" йогасы бойынша танымал мамандарының 11 онлайн-дәрісі өткізіледі. AYUSH министрлігі, Үндістан үкіметі мен Үнді мәдени байланыстар кеңесі (ICCR) "Менің өмірім, менің йогам" атты халықаралық бейнеблогын ұйымдастырады.
Технологиялар йоганы зерттеу мүмкіндігін қамтамасыз етуде маңызды рөл атқарады, әсіресе, осы уақытта әлеуметтік қашықтық COVID-19 таралуын жеңілдету үшін қажет. Осыған байланысты йогамен айналысатын Үндістанның премьер-министрі Нарендра Моди пайдаланатын анимациялық бейне бар және олар қолжетімді. Бұл бейнелерді YouTube-тен көруге болады. Жаһандық сауықтыру процесіне үлес қосып, йоганы қабылдау арқылы емделуді өміріміздің бір бөлігіне айналдырайық, Осылайша, адамдар өздерімен бірге бейбіт және сау қоғам мен үйлесімді әлем құра алады, - дейді Прабхат Кумар.
Төмендегі сілтемелер арқылы йога сабақтарын көре аласыздар:
1. https://www.youtube.com/playlist?list=PLKrFtLRqyz6MWIswWKBazJOux333ZMyvX (ағылшын тілінде)
2. https://www.youtube.com/playlist?list=PLKrFtLRqyz6PndYkngLlxpzqjyE42yfkz (орыс тілінде)
Йога күні 2015 жылы аталып өтті
Мереке алғаш рет 2015 жылдың маусымында атап өтілді. Ал мекеменің бастамасы мен күнін таңдау Үндістанның премьер-министрі Нарендра Модиге тиесілі. Және бұл кездейсоқ емес. Себебі Үндістан - йоганың отаны, онда бұл ілім ежелгі дәуірден дамып келеді. Күнді таңдағанда жер шарының жартысы үшін Жылдың ең ұзақ күніне түсті. Бұл күннің белсенділігімен байланысты. Яғни 21 маусым көптеген халық үшін белгілі бір мағынаға ие және күннің ұзарып барып тоқырауы ретінде белгілі.
Үндістан премьер-министрінің бастамасын БҰҰ Бас ассамблеясында өкілдігі бар 175 мемлекет қолдады және 2014 жылдың желтоқсан айында 21 маусым - Халықаралық йога күні деп жарияланды. Осындай бір ауыздан қолдау көрсету йоганың адам денесі мен психологиялық денсаулығы үшін пайдасы барын, қазіргі әлемде адамның психоэмоционалдық табиғатына әсер ететін стрестерді жою үшін де маңызды рөл атқаратынын мойындау.
Йоганың пайдасы
2. Организмнің репродуктивті қызметін қалпына келтіреді.
3. Бұлшықет топтарын дамытады, буындарға икемділікті қайтарады.
4. Бұл арқадағы ауырсынуды жеңілдетеді, жұлынның қисаюын, остеохондрозды, тұзды шөгінділерді кетіреді.
5. Жаттығу кезінде карқынды тыныс алудың арқасында ағзаға көп мөлшерде оттегі түседі және барлық жүйе тиімді жұмыс істей бастайды. Өкпенің белсенді желдетілуі және жүрек жаттығулары да орындала бастайды.
6. Ішкі ағзалардың табиғи және тиімді массажы. Жаттығу кезінде іштің бұлшықеттері белсенді жұмыс істейтіндіктен, ішек жақсы тазартылады. Йога іш қатуға жол бермейді.
7. Бас аурулары, астма, артрит, ұйқысыздық, босанғаннан кейінгі депрессияны емдейді.
8. Артық салмақтан арылуға көмектеседі.
9. Бүкіл дене мен бас миына терең демалуға мүмкіндік береді.
10. Йогаға кіретін медитация иммундық жүйені нығайтуға және стресс деңгейін төмендетуге көмектеседі.
