Су спорты түрлерінен Филиппиннің Нью-Кларк-Сити қаласында XI Азия чемпионаты басталды, деп хабарлайды BAQ.KZ.
Сары құрлықтың бәсекесінде 3 жас ерекшелігі бойынша жүлделер сарапқа салынады: А тобы (18 жастан және жоғары), В тобы (15-17 жас), С тобы (14 жас және кіші).
Бүгін бірінші жарыс күнінде жүзу және суға секіру сайыстары бойынша жеңімпаздар анықталды, - деп мәлімдеді Спорт және дене шынықтыру істері комитетінен.
Отандық спортшылардың нәтижелері:
Жүзу, А тобы:
Аделаида Пчелинцева, 100 метрге брасс әдісімен жүзу — алтын
Ксения Игнатова, 50 метрге шалқалай жүзу - алтын
Диана Тасжанова, 200 метрге еркін әдіспен жүзу - күміс, 800 метрге еркін жүзу — қола
Әйелдер құрамасы (Аделаида Пчелинцева, Диана Тасжанова, Ксения Игнатова, Софья Сподаренко), эстафета 4х100 метрге еркін әдіспен жүзу — күміс
Жүзу, В тобы:
Егор Попов, 50 метрге шалқалай жүзу — алтын
Арсен Қожахметов, 100 м брасс - күміс
София Абубакирова, 200 м кешенді жүзу - күміс, 50 м шалқалай жүзу - қола
Ерлер құрамасы (Егор Попов, Егор Василенко, Алексей Крученко, Данил Черепанов), эстафета 4х100 метрге еркін әдіспен жүзу — күміс
Суға секіру, А тобы:
Диана Жұмағұлова/Анабелла Кочкина, 3 метрлік тұғырдан синхронды секіру — күміс
Жүзу жарысы 29 ақпанда, суға секіру сайысы 1 наурыз күні аяқталады. 2-6 наурыз аралығында көркем жүзу, 3-9 наурыз аралығында су добынан жүлделер сарапқа салынады.
