Нұр-Сұлтан, BAQ.KZ. Қазақстандық балуан Дәулет Шабанбай 2012 жылғы Лондон Олимпиадасының қола жүлдегері атанды, деп хабарлайды Qsport.kz порталы.
Халықаралық Олимпиада комитеті өзбек спортшысы Артур Таймазов пен грузия өкілі Давид Модзманашвили тыйым салынған препараттарды қолданғаны үшін Лондон Олимпиадасының жүлдесінен айырылды.
Осылайша 8 жыл өткен соң 120 келі салмақта 2012 жылғы Олимпиаданың алтыны ресейлік балуан Билял Маховқа бұйырса, иран спортшысы Комейл Гасеми вице-чемпион атанды. Ал қазақ балуаны Дәулет Шабанбай қола жүлдені иемденді.
