«Айлыққа дейін қарыз беретін» микроқаржылық ұйымдардың саны артып келеді

26 Қаңтар 2024, 15:46
3787
Бөлісу:
«Айлыққа дейін қарыз беретін» микроқаржылық ұйымдардың саны артып келеді
Фото: BAQ.KZ -архив

Бұл туралы «Бірінші кредиттік бюроның» басшысы Руслан Омаров айтты, деп хабарлайды Алматыдағы BAQ.KZ тілшісі.

Оның айтуынша, Payday loans (айлыққа дейін қарыз беру) бизнес-моделіндегі шағын несие беретін микроқаржылық ұйымдардың саны артып келеді.

2021 жылы – 44,  2022 жылы – 59, 2023 жылы – 71, 2024 жылы – 79 ұйым тіркелді. Бұл әр жылдың 1 қаңтарындағы жағдай. Адамдарға берілетін қарыздың орта сомасы – 60 мың теңге болды. Жалпы бір жыл ішінде микроқаржылық ұйымдар тарапынан берілген қарыз көлемі бір жыл ішінде 102,6%-ға (400 млрд теңге) өсті, – деп атап өтті ол.

Сондай-ақ «БКБ» басшысы микроқаржылық ұйымдардан қарыз алатын адамдардың негізгі жасы 40-қа дейін екенін мәлімдеді.

Микроқаржылық ұйымдар тарапынан берілген қарыздың 72%-ы 40 жасқа дейінгі адамдарға берілген. 23 жасқа дейінгі азаматтар 133,2 млрд теңгеге, 23-30 жас аралығындағы азаматтар 208,2 млрд теңгеге, ал 31-40 жас аралығындағы қыз-жігіттер 225,7 млрд теңге көлемінде қарыз алған. Ал одан үлкен жас категориясында бұл көрсеткіш әлдеқайда төмен. 41-50 жастағы адамдар 114,3 млрд теңге және 51-60 жастағы адамдар 66,2 млрд теңге көлемінде қарыз алған, – деді Руслан Омаров.

Өзгелердің жаңалығы