Астана, BAQ.KZ. "Қазгидромет" синоптиктерінің болжамына қарағанда Фронтальды бөліктердің өтуіне байланысты республика бойынша ауа райы тұрақсыз болады. Батыста, солтүстік-батыста, күндіз солтүстікте жауын-шашын болады. Республиканың кей жерінде тұман, көктайғақ, бұрқасын болып, жел күшеюі мүмкін.
Күндіз Солтүстік Қазақстан облысында жел жылдамдығы 15-20 м/с, кей жерінде 25 м/с дейін күшейеді, бұрқасын байқалады.
Атырау, Батыс Қазақстан облыстарының кей жерінде тұман, көктайғақ күтіледі, түнде жел 15-20 м/с болады, Батыс Қазақстан облысында жаяу бұрқасын болады.
Ақтөбе, Қостанай, күндіз Ақмола облысының кей жерінде жаяу бұрқасын, жел 15-20 м/с күтіледі, Қостанай облысының кей жерінде тұман болады.
Түркістан, Манғыстау облыстарының кей жерінде түнде және таңертең жел 15-20 м/с күшейеді, Түркістан облысының кей жерде тұман болады.
Алматы, Қызылорда, Жамбыл, Павлодар облыстарында, түнде және таңертең Шығыс Қазақстан облысының кей жерінде тұман байқалады.
Ақмола, Алматы, Шығыс Қазақстан облыстарында, Қарағанды, Солтүстік Қазақстан облыстарының кей жерінде қатты аяз сақталады.
