Атыраулық полицейлер жуынатын бөлмеде құлап қалған әйелді ажалдан арашалап қалды, деп хабарлайды BAQ.KZ Polisia.kz-ке сілтеме жасап.
Белгілі болғандай, 31 желтоқсан күні «анам құлап қайтыс болды» деп Атырау қаласының тұрғыны полиция шақырған.
Жуынатын бөлмеде құлап жатқан әйелдің неден қайтыс болғанын тексеруге келген полицияның Жедел-тергеу тобының криминалистері 1947 жылы туған әйел адамнан тіршілік белгілерін, яғни ақырын тамыр соғысының барын анықтап дереу жедел-жәрдем шақыртқан. Осылайша, 76 жастағы әжей дәрігерлерге тапсырылды, - делінген ведомствоның хабарламасында.
Есеңгіреп қалған әжейдің туыстары полицейлерге алғысын жеткізді.