Астана қаласындағы Паралимпиадалық дайындық орталығында "Париж-2024 Олимпиада және Паралимпиада ойындары жолында!" атты іс-шара өтті, деп хабарлайды BAQ.KZ тілшісі.
Олимпиада ойындарының басталуына 143 күн қалғанда және Париж-2024 Паралимпиада ойындарының ашылуына 177 күн қалғанда, бұл шара мүмкіндігі шектеулі балалар мен "Шарль де Голль-Мирас" француз мектебі балаларының басын қосу арқылы Олимпиадаға тән достық пен инклюзия құндылықтарын атап өтті, - деді Францияның Төтенше және Өкілетті елші Дидье Канесс.
![Астанада Париж-2024 Паралимпиада ойындарына арналған іс-шара өтті](/userfiles/images/5521eb31-6c8c-44e5-acb4-6f946ed4a608.jpg)
Балалар екі паралимпиадалық спорт түрі бочча және голбол ойындарын бірге ойнады.
Бұл іс-шара алдымызда келе жатқан XVII Паралимпиада ойындарына арналған. Мұнда 6-10 жастағы балалар бочча және голбол сияқты паралимпиадалық спорт түрлерімен танысады. Іс-шараға Паралимпиада ойындарына лицензия алған спортшыларымыз да қонақ ретінде келіп отыр. Іс-шараның маңызы жасөспірімдерге параспортты насихаттау, инклюзивті ортаны көрсету, түсіндіру, - деді ҚР Ұлттық паралимпиада комитетінің бас хатшысы Олжас Ақпамбетов.
![Астанада Париж-2024 Паралимпиада ойындарына арналған іс-шара өтті](/userfiles/images/5e1a4f27-c46b-40b5-9654-12cd2289ee5f.jpg)
Спорттық іс-шараны Қазақстан Республикасының Ұлттық паралимпиадалық комитеті, Қазақстан Бочча федерациясы және "Тең мүмкіндіктер әлемі" қауымдастығымен бірлесіп, Мәдениет және ақпарат министрлігінің қолдауымен Францияның Қазақстандағы елшілігі ұйымдастырды.
![Астанада Париж-2024 Паралимпиада ойындарына арналған іс-шара өтті](/userfiles/images/c8bde643-dd2d-4ed3-9530-dbc08d5f5224.jpg)
Жас спортшыларды қолдап, марапаттауға Қазақстан құрамасының бірнеше пара спортшылары мен отандық "Паралимпиадашы" (2021 ж.) фильмінің бас кейіпкері, актер Асқар Ілиясов келді.