Астанада нейрохирургтар үш айлық сәбидің миындағы ісікті алып тастады. Бұл туралы Денсаулық сақтау министрлігінің баспасөз қызметі мәлімдеді, деп хабарлайды BAQ.KZ.
Ұлттық нейрохирургия орталығының дәрігерлері ең күрделі операциялардың бірін сәтті жүргізді - үш айлық қыздан алып ми ісігін алып тастады.
Сәбидің анасы Айбаттың айтуынша, қыз бала уақытында туып, қалыпты дамыды. Алайда, екі айлығында: жиі құсу, ембеу, терісінің көгеруі және қатты мазасыздық симптомдары пайда болды.
Ата-анасы дереу педиатрға, содан кейін невропатологқа жүгінді. Ультрадыбыстық зерттеуде төбе-қарақұс аймағында сұйықтық түзілуі анықталды, ал кейінірек жүргізілген КТ сол жақ төбе бөлігінде көлемді ісікті растады.
️Содан кейін МРТ мидың функционалды маңызды аймақтарында орналасқан 5,6× 4,2 см көлеміндегі ісікті көрсетті.
Балалар нейрохирургтары Дмитрий Сурдин, Әлібек Жарасов және басқарма төрағасының орынбасары Асылбек Қалиевпен кеңескеннен кейін шұғыл операция жасау туралы шешім қабылданды. Бала балалар нейрохирургиясы бөлімшесіне емдеуге жатқызылды.
Балалар нейрохирургиясы бөлімшесінің меңгерушісі, профессор Ғабит Өлеңбайдың айтуынша, операция өте күрделі болды: ісік баланың миының жартысына жуығын алып жатты, қан жоғалту қаупі өте жоғары болды. Дегенмен, командалық жұмыстың, заманауи әдістерді қолданудың және Орталықты жабдықтаудың жоғары деңгейінің арқасында операция сәтті өтті.
Ісікті алып тастауды біз микрохирургиялық әдіспен жасадық. Қазір қыз бала операциядан кейінгі емдеуден өтіп жатыр және өзін жақсы сезінеді. Құспайды және жалпы жағдайы жақсарып келеді, - деді Ғабит Өлеңбай.
Қыздың анасы қандай толқу үстінде болғанын жасырмады.
Мен бәріне дайын болдым, қандай қауіптер барын түсіндім. Бірақ керемет жағдай болды - менің қызым тірі, бәрі жақсы. Дәрігерлерге, әсіресе Дмитрий Андреевич Сурдинге, барлық медицина қызметкерлеріне шын жүректен алғыс айтамын. Қызымдың өмірін сақтап қалғандарыңыз үшін рахмет!", - дейді нәрестенің анасы.
